Беш йил ер остида қолиб кетган хитойлик кончи тирик эканлиги маълум бўлди

2003 йилда Хитойнинг Цзиси шаҳри яқинидаги кўмир конида тўсатдан содир бўлган зилзила туфайли кончилар Ван Ху ва Лао Пенлар ишлаётган шахталар кўмилиб қолди, дея ёзади «Колмово.ру» нашри.

Ўн кун давомида юзлаб қутқарувчи ва кўнгиллилар томонидан олиб борилган излаш ишлари фойда бермади. Кончиларнинг оиласи ва яқинлари ҳам уларни тирик кўришдан умидларини узишди. Аммо, орадан беш йил ўтгач, 2008 йилда йўқолганларнинг бири Ван Ху конга туташ бўлган ғорлардан биридан тирик чиқиб келди. Унинг айтишича, у шу вақт давомида «буюк ктонлар» қабиласи билан яшаган экан.

Олиб борилган тиббий текширувларда унинг танаси ҳам, ақли ҳам соғлом эканлиги аниқланди. Энг қизиғи, унда мавжуд кончиларга хос бўлган антракоз касаллигидан бутунлай халос бўлган. 39 ёшда бўлишига қарамасдан 26-28 ёшли йигитдек бақувват ва соғлом экан. Эндиликда Ван Хунинг ер остида номаълум қабила билан ўтказган беш йиллик ҳаёти хитойлик ҳарбийларни ҳам жиддий қизиқтириб қўйди.

Дил МУРОД тайёрлади.