Миллий гвардия жамоаси ногиронларни байрам билан қутлади
Самарқанд вилояти бўйича Миллий гвардия бошқармасининг 82139-ҳарбий қисми Халқаро ногиронлар куни муносабати билан савобли ишга қўл урди.
Миллий гвардия ходимлари Самарқанд шаҳар Юқори Хўжа Соат маҳалласида истиқомат қилувчи ногиронлар хонадонида бўлиб, уларнинг ҳар бирига 1 қопдан ун, шакар, макарон ва 5 килограмм ёғ маҳсулотлари тарқатди.
- Байрам муносабати билан мени йўқлаб келган Миллий гвардия ходимларига минг раҳмат, - деди I гуруҳ ногирони К.Юсупов. – Орамизда саховатли кишилар янада кўпайсин, юртимиз тинч, осмонимиз мусаффо бўлсин!
Шунингдек, Миллий гвардия жамоаси Кимёгарлар қўрғонидаги 61-эшитишда нуқсони бўлган болалар учун ихтисослаштирилган мактаб-интернатида ҳам бўлишди. Улар мактаб ўқувчиларига 60 дона бадиий китоб тақдим этди. Болалар ўз миннатдорчилигини бадиий чиқишлари орқали ифода этди.
Жаҳонгир ПЎЛАТОВ.