Хитойда ота-онаси тўрт йил аввал вафот этган чақалоқ туғилди

2013 йилда ҳалок бўлган ота-она бир неча эмбрионларни музлатиб қўйишган эди. Улар сунъий уруғлантириш орқали келажакда яна фарзанд кўришни исташган.

Автоҳалокатдан сўнг эр-хотиннинг ота-оналари эмбрионларни бошқа аёл бачадонига жойлашга рухсат олиш учун бир-неча йилдан бери судлашиб келган.

Чақалоқ аслида ўтган йилнинг декабрида дунёга келган бўлсада, Хитойда бу воқеа эндигина кўпчиликка маълум бўлди.

Эмбрионлар Нанжинг госпиталида минус 196 даражада суюқ азот ичида сақланиб келинган, дея хабар беради ВВC.