Андроид қурилмалар учун Zarnews.uz мобил иловаси. Юклаб олиш x

13 ёшли фарзандини 15 минг долларга сотаётган аёл ушланди

Қорақалпоғистонда 13 ёшли фарзандини алдаб, унинг ўзига айтмасдан бошқага сотаётган аёл ушланди.

ИИВ ҳузуридаги Тергов департаменти маълум қилишича, 2020 йилнинг 19 май куни 43 ёшли М.П. Беруний тумани ИИБга ариза билан мурожаат қилган.

Унда Тўрткўл туманида яшовчи «Қундуз» исмли аёл ўз фарзандини сотмоқчи бўлиб юрганлигини баён қилган ва унинг ушбу аризасига асосан шу куни соат 21:00 да Беруний тумани ИИБ ходимлари томонидан ўтказилган тезкор тадбир давомида Тўрткўл туманида жойлашган намунали уйда ижарада яшаб келаётган, 38 ёшли Қундуз К. ўзининг иккинчи фарзанди — вояга етмаган 13 ёшли Д.О.ни фуқаро С.Э. га 15.000 АҚШ доллари эвазига сотаётган вақтида ушланган.

Ҳодиса содир бўлган жойдан кимёвий ишлов берилган 400 АҚШ доллари ҳамда қолган 14.600 АҚШ доллари миқдоридаги пуллар аниқланиб, ашёвий далил тариқасида ўрнатилган тартибда олинган.

Ҳолат юзасидан Тўрткўл тумани ИИБ ҳузуридаги тергов бўлими томонидан Қундуз К.га нисбатан Ўзбекистон Республикаси Жиноят кодексининг 135-моддаси 3-қисми «а» банди (одам савдоси) банди билан жиноят иши қўзғатилган.

Ҳозирда дастлабки тергов ҳаракатлари олиб борилмоқда.