Британия радиоси: "Бутун Ўзбекистон устимиздан куляпти"

Эмишки, иссиқ об-ҳавога Британия темир йўллари дош бермайди. Буни исботлаш учун мутахассислар сиз кўриб турган суратни эълон қилишди.

Мазкур ҳолат Британия радиостанцияларининг бирида муҳокамаларга сабаб бўлди. Станция билан боғланган “Independent” нашри мухбири телефон орқали жумладан қуйидагиларни айтиб бошловчининг кулгисини келтирди.

“Бутун Ўзбекистон устимиздан куляпти. Марказий Осиёдаги ягона – Тошкент Самарқанд йўналишида қатновчи тезюрар поезд, ҳаво ҳарорати аллақачон 33 даражага етган бўлсада… ҳаракатланишни давом эттираяпти.

Саудия Арабистонида эса Маккадан Мадинага элтувчи, соатига 190 чақиримни босиб ўтадиган (тезлиги тахминан 305 км/с) поезд учун темирйўл ётқизиляпти. У ерда ҳам об-ҳаво Янги Малдендан анча иссиқ”, деди у.

Ҳозирча Британиянинг темир йўлларида поездларга пешинда тезлигини кўпи билан 64 км/соатгача оширишга рухсат берилган.