Бу йилги тест натижалари бир ҳафта муддат ичида эълон қилинади

2019-2020 ўқув йили қабулида абитуриентлар учун бир қатор имтиёз ва қулайликлар яратилмоқда.

Олий ва ўрта махсус таълим вазирлигининг расмий ахборотига кўра, жорий йилда кириш тест синовлари 25 июлдан 20 август кунига қадар ташкил этилади.

Абитуриентнинг тест синовида тўплаган баллари ҳақидаги маълумот тест синови ўтказилган куннинг эртасига, унинг талабаликка тавсия этилгани ёки этилмагани бўйича белгиланган тартибда тасдиқланган танлов натижаси тест синовларини ўтказиш жараёни тўлиқ якунлангандан кейин бир ҳафта муддат ичида Давлат тест марказининг расмий веб-сайтида эълон қилинади.