Лионел Месси: Футбол энди ҳеч қачон илгаригидек бўлмайди

“Барселона” жамоасининг аргентиналик ҳужумчиси Леонел Месси коронавирус пандемияси туфайли энди футбол ҳеч қачон илгаригидек бўлмаслигини таъкидлади. Бу ҳақда Радио Sputnik нашри хабар берди.

- Пандемиядан сўнг дунё қанчалар ўзгаришини кўпчилик тасаввур ҳам қилолмайди, - дея таъкидлади футболчи. – Сен яхши кўрган одамларни йўқотишдан ёмонроқ нарса йўқ. Бу адолатдан эмас. Футбол энди ҳеч қачон илгаригидек бўла олмайди. Нафақат футбол, балки биз кўниккан ҳаёт ҳам аввалгидек бўлмайди.

Лионел Месси футбол афсонасига айланиб улгурган спортчи. 2019 йилда у олтинчи марта “Олтин тўп” соҳиби бўлди. Месси май ойида Чемпионлар лигаси тарихидаги энг яхши ҳужумчи, деб тан олинди.