Ростдан ҳам "каша" олиш муаммо бўлдими?
Ижтимоий тармоқларда Самарқанд вилояти Паст Дарғом туманидаги Янги саноат қишлоғида яшовчи фуқаро карантин пайтида шаҳарга кириб-чиқиш тақиқлангани сабабли 9 ойлик чақалоғига болалар озуқаси (каша) ололмаётганлигини айтиб мурожаат қилган.
Мазкур ҳолат юзасидан ўрганиш олиб борилганда, фейсбук ижтимоий тармоғи орқали мурожаат қилган фуқаро Хуршида Турсунова ҳозирда Туркия давлатида эканлиги аниқланди. У 9 ойлик боласини онаси Зебо Юсупованинг қарамоғига ташлаб кетган.
Зебо Юсупованинг маълум қилишича, карантин эълон қилинганидан сўнг каша олиш учун кўчага чиққанида Самарқанд шаҳрига кириш йўли ёпилганлигини эшитиб, бу ҳақда телефон орқали қизига айтган. Хуршида Турсунова эса нотўғри хулосага келиб, ижтимоий тармоқда видеомурожаат қолдирган.
- Неварам учун етарлича каша бор. Аслида улар менинг гапларимни нотўғри тушунган. Қизим ёшлик қилган. Бунинг учун барчадан узр сўрайман, - дейди Зебо Юсупова.
