Самарқанд вилояти ҳокими Э.Турдимов Россиянинг “Ренова” давлат компанияси директори Виктор Вексельберг билан учрашди
Россия Федерациясининг “Ренова” давлат компанияси ҳамда «Сколково» акциядорлик жамияти директори Виктор Вексельберг Самарқандга келди.
Самарқанд вилояти ҳокимлигида вилоят ҳокими Э.Турдимов ва соҳа мутахассислари иштирокида ташкил этилган учрашувда икки томонлама ўзаро ҳамкорлик масалалари муҳокама қилинди. Унда россиялик тадбиркор ҳудудда энергетика, кимё, металлургия саноати ривожланиши учун инвестиция киритилиши ҳақида фикр юритди. Шунингдек, ҳудудда IT-park ташкил этиш ва ривожлантириш бўйича ўз таклифларини билдирди.
Учрашув давомида вилоят ҳокими Э.Турдимов инвесторга ташриф учун миннатдорлигини билдириб, “Ренова” давлат компанияси билан ҳамкорлик қилиш учун тайёр эканини билдирди.
Ҳусан Элтоев.
