Самарқандда Чингиз Айтматовнинг "Момо ер" асари асосида саҳналаштирилган спектакль намойиш этилмоқда
Кеча Сирдарё вилоят драма театри Самарқандда Чингиз Айтматовнинг "Момо ер" асари асосида саҳналаштирилган шу номли спектаклни мухлисларга тақдим этди. Томошабинлар мазкур асарни катта қизиқиш билан кутиб олдилар.
- Спектаклдаги воқеалар Иккинчи жаҳон уруши давридаги энг оғир, қийин шароитларда кечган. Шундай ҳолатда бош қаҳрамон она - Тўлғаной улкан матонати билан барчага ўрнак бўлгани бутун вужудимни ларзага келтирди. Қани, барча тенгдошларим, бугунги ёшлар театр аталмиш улуғ даргоҳга тез-тез кириб, мана шундай спектакллар билан ошно бўлиб туришса. Ўйлайманки, дилдан хоҳлаб, ҳаракат қилишса албатта, бунга эришадилар, - дейди ўзини Илҳом деб таништирган мухлислардан бири.
Ижодий жамоа 30 майга қадар Самарқанд драма театрида ушбу асарни намойиш этади.
