Андроид қурилмалар учун Zarnews.uz мобил иловаси. Юклаб олиш x

Велосипедчи ЙТҲ қурбони бўлди

Жорий йилнинг 11 май куни соат 20:30 ларда Тошкент вилояти Чиноз тумани ҳудудидан ўтган «Тошкент-Душанбе» автомобиль йўлининг 63-километрида ҳайдовчи, 1983 йилда туғилган Ғ.М. “Isuzu SAZ NP 21” русумли автобусда Сирдарё вилоятидан Янгийўл шаҳри томон ҳаракатланиб кетаётган вақтида қаршисидан келаётган транспорт воситалари ёритгичлари йўлни кўриш имкониятини камайтиргани сабабли бир йўналишда велосипедда ҳаракатланиб кетаётган, 1987 йилда туғилган А.Ш.ни уриб юбориб, ЙТҲ содир этган.

Оқибатда велосипедчи А.Ш. оғир тан жароҳатлари олиб, воқеа жойида вафот этган.

Мазкур ҳолат юзасидан Чиноз тумани ИИБ ТБ томонидан суриштирув ишлари олиб борилмоқда.

Ҳурматли ҳайдовчилар, шаҳар ҳудудида транспорт воситаси тезлигини меъёридан оширмаслигингизни, яқинни ёритиш чироқларидан фойдаланишингизни, пиёда ва велосипедчиларга эътиборли бўлишингизни сўраймиз. 

Бу ҳақда ИИВ ЙҲХББ ахборот хизмати хабар берди.