Андроид қурилмалар учун Zarnews.uz мобил иловаси. Юклаб олиш x

Йигитлар ҳарбий хизматга йўл олди

Самарқанд вилоят мудофаа ишлари бошқармаси йиғин пунктида Қуролли Кучлар сафларида муддатли ҳарбий хизматни ўташга йўл олаётган йигитларни кузатиш тадбири бўлиб ўтди.

Давлат ва жамоат ташкилотлари вакиллари, бўлажак юрт посбонларининг ота-оналари иштирок этган тадбирда Самарқанд вилояти ҳокимининг ўринбосари Р.Қобилов ва бошқалар бугунги кунда Қуролли Кучлар тизимида амалга оширилаётган ислоҳотлар туфайли миллий армиямиз салоҳияти юксалаётганини эътироф этишди. Она Ватанни асраш ва уни ҳимоя қилиш азалдан энг муқаддас бурч эканлигини таъкидлаб, йигитларга оқ йўл тилашди.

Тадбирда хизматга йўл олган бўлғуси аскарларга вилоят касаба уюшма ташкилотлари бирлашмаси кенгаши ҳамда ёшлар иттифоқи вилоят кенгаши томонидан эсдалик совғалари топширилди.

Б.МУСТАНОВ.