Boburmirzo Oblakulov Samarqand shahri hokimi lavozimiga tasdiqlandi

Ayni paytda Samarqand shahar hokimligida Xalq deputatlari Samarqand shahar Kengashining VI chaqiriq birinchi sessiyasi o‘tkazilmoqda. Sessiyada viloyat hokimi tomonidan Samarqand shahri hokimi lavozimiga taqdim etilgan nomzodni tasdiqlash masalasi ko‘rib chiqildi.

Deputatlar Oblakulov Boburmirzo Salomovich nomzodini bir ovozdan qo‘llab-quvvatlab, Samarqand shahri hokimi lavozimiga tasdiqladilar.