Kichik sanoat zonalari faoliyati uchun bosh reja yo‘q. Nega?

Samarqand viloyatidagi 14 hududda 19 ta kichik sanoat zonasi tashkil etilib, 115,8 gektar yer maydoni ajratilgan. Birok, kichik sanoat zonalari salohiyatidan samarali foydalanish xamda ma’qullangan loyihalarni ishga tushirish bo‘yicha olib borilayotgan ishlarni salmoqli, deb bo‘lmaydi.

Bu haqda viloyat hokimligida o‘tkazilgan yig‘ilishda aytildi.

Jumladan, Samarqand shahar "Vaksina" ilmiy ishlab chiqarish birlashmasi, Oqdaryo tumani "Dahbed" muqobil mashina traktor parki hamda Narpay tumanidagi Tepa mahallasida tashkil etilgan kichik sanoat zonalar uchun hozirga qadar bosh reja tasdiqlanmagan.

Kichik sanoat zonasi ma’muriy kengashi tomonidan qiymati 71,2 million AQSh dollarilik 103 ta loyiha ma’qullangan va ular 46,8 gektar maydonga joylashtirilgan, lekin 69 gektar maydonga takliflar kiritilmagan.