Qo‘shrabotlik Mohina testda maksimal ball oldi

Qo‘shrabot tumanining Jo‘sh qishlog‘ida tug‘ilgan Abdulhakimova Mohina Farhod qizi test sinovlarida to‘plash mumkin bo‘lgan eng maksimal ball – 189,0 ball to‘plab, Samarqand iqtisodiyot va servis institutining buxgalteriya hisobi va audit ta’lim yo‘nalishida birinchi, Toshkent moliya institutining moliya ta’lim yo‘nalishida – ikkinchi va shu institutning iqtisodiyot yo‘nalishida uchinchi o‘rinni egalladi.

Mohina chet tili (ingliz tili) bo‘yicha sertifikatga ega bo‘lgan va u mazkur ta’lim yo‘nalishlari fanlar blogida ikkinchi hisoblangan chet tilidan test topshirmagan. Lekin birinchi (matematika) hamda ikkinchi (ona tili va adabiyot) blok fanlaridan ham 60 ta savolning barchasiga to‘g‘ri javob bergan.