Флорида губернатори Трамп фойдасига АҚШдаги сайловлардан расман воз кечди

Флорида губернатори Рон Десантис АҚШ президентлик пойгасидан чиқишини эълон қилди. У АҚШнинг собиқ президенти Доналд Трамп фойдасига ўз номзодини расман қайтариб олди. Бу ҳақда сиёсатчи ижтимоий тармоқларда маълум қилди.

Унинг айтишча, сайловолди кампаниясида ғалаба қозониш имконияти йўқ. Шунингдек, у ижобий натижага эришиш учун ҳамма нарсани қилишга тайёрлигини билдирди ва Трамп номзодини қўллаб-қувватлашини айтди.

“Мен республикачи номзодни қўллаб-қувватлашга ваъда бергандим ва бу ваъдада турибман. Мен уни қўллаб-қувватлайман, чунки биз ўтмишдаги республикачилар гвардиясига қайтолмаймиз”, деди Десантис.

Аввалроқ тадбиркор Вивек Рамасвами ҳам АҚШ президентлик пойгасидан чиқиб кетаётгани ва бўлажак сайловларда Доналд Трампни қўллашини маълум қилганди.