Ким Чен Ин яна ғалаба қозонди

Ким Чен Ин Корея меҳнат партиясининг бош котиби лавозимига қайта сайланди. Бу ҳақда тантанавор тарзда ЦТАК хабар берди.

Аввалроқ Reuters тўққизинчи қурултойда ҳукмрон партиянинг беш минг нафар аъзоси иштирок этганини ёзган эди. Мазкур тадбир ҳар беш йилда бир марта ўтказилади.

Партиядаги олий лавозим номи бир неча бор ўзгарганига қарамай, Ким Чен Ин давлатни 2011 йилдан бери бошқариб келмоқда. У бу лавозимда отаси — Ким Чен Ир ўрнини эгаллаган. Ким Чен Ир эса 1994 йилдан 17 йил давомида мамлакатни амалда бошқарган ва ҳукуматни ўз отаси — Ким Ир Сен вафотидан сўнг мерос қилиб олган эди.

КХДР етакчисининг қизи — Ким Чжу Э мамлакат раҳбари лавозими учун энг эҳтимолий ворис сифатида кўрилмоқда. 12 февраль куни Reuters Жанубий кореялик разведка маълумотларига таяниб, Ким Чен Ин ўз қизининг позициясини эҳтимолий ворис сифатида мустаҳкамлашга интилаётгани, жумладан, уни сиёсий қарорлар қабул қилиш жараёнига жалб қилаётганини хабар қилди. Япониялик экспертлар баҳосига кўра, Ким Чен Иннинг қизи Шимолий Корея расмий ОАВида 600 мартага яқин чиқиш бўлган.