Самарқанд шаҳрида “Заковат” очиқ турнирининг республика босқичи бўлиб ўтди

21.05.2019 11:22
83
Таълим

Самарқанд шаҳрида “Заковат” очиқ турнирининг республика босқичи ўтказилди.

Ўзбекистон ёшлар иттифоқи вилоят кенгаши ташаббуси билан ташкил этилган танловда республикамизнинг 34 та олий таълим муассасаларининг иқтидорли талабалари иштирок этди. Унда ўқувчилар мамлакатимизда олиб борилаётган ижтимоий-сиёсий ислоҳотларнинг жамият тараққиётидаги ўрни, ёшларга яратилаётган имкониятларнинг туб моҳияти ҳақидаги саволларга жавоб қайтарди.

Якуний натижаларга кўра, Сирдарё вилоятининг “Тафаккур” жамоаси барча иштирокчилардан устун келиб, биринчи ўринни эгаллади. Сурхондарё вилоятининг “Сурхон тишлари” жамоаси иккинчи ўринга муносиб кўрилди. Тошкент вилоятининг “Бек Атакулов” жамоаси эса кейинги ўринни қўлга киритди. Ғолиб ва совриндорлар ташкилотчиларнинг диплом ва эсдалик совғалари билан тақдирланди.