Тинчлик режасими ёки босим: АҚШ Эронга талабларини билдирди

Вашингтон Теҳрондан санкциялар бекор қилиниши эвазига ядровий дастурдан воз кечишни талаб қилмоқда.

Маълумотларга кўра, АҚШ Покистон орқали Эронга урушни якунлаш бўйича 15 банддан иборат режани юборган. Унда Натанз, Исфаҳон ва Фордодаги ядровий объектларни демонтаж қилиш, шунингдек уранни бойитишни тўхтатиш ва захираларни топшириш талаб қилинган.
Шунингдек, ракета масофасини чеклаш ва Ҳормуз бўғозида кемаларнинг эркин ҳаракатини таъминлаш масаласи ҳам кўтарилган.

Бунга жавобан Вашингтон санкцияларни бекор қилиш ва Бушердаги фуқаровий атом электр станциясини халқаро назорат остида ривожлантиришда ёрдам беришни ваъда қилмоқда.
Эрон эса аллақачон бунга ўз шарти: урушдан келган зарар учун компенсация тўлашни талаб қилган. ОАВ таъкидлашича, ушбу режа кўп жиҳатдан аввалги талабларни такрорлайди.
АҚШ қўшинларининг Яқин Шарққа кўчирилишидан Теҳрон хавотирда. Эрон расмийлари аввалги музокаралар пайтида ҳам ҳужумлар бўлганини эслаб, “яна алданишни истамасликлари”ни таъкидламоқда.

Шу билан бирга, Оқ уй ер устидаги ҳарбий операция эҳтимолини истисно этмаяпти. Бу борада ҳозирча якуний қарор йўқ.
Дональд Трамп «Биз бу урушда ғалаба қилдик», дея мамнун. Унинг айтишича, АҚШ Эроннинг ракеталарини ишга тушириш қурилмаларининг 82 фоизиини йўқ қилган ва амалда режим ўзгарган. Трамп, шунингдек, Ҳормуз бўғозини назорат қилишлари мумкинлигини, Эрон музокараларга қизиқиш билдираётганини айтди.