Yangi Zelandiya dunyoda birinchi bo‘lib do‘konlardan yupqa plastik qoplarni ishlatishni taqiqladi
Iyuldan boshlab Yangi Zelandiya hukumati supermarketlarda har qanday polietilen paketlar, jumladan meva va sabzavotlar uchun yupqa paketlardan foydalanishni taqiqladi, deya xabar beradi BBC.
Hukumatning bir martalik plastikka qarshi kampaniyasi doirasidagi qaror 1 iyuldan kuchga kirdi.
Yangi chora yiliga 150 million yupqa qoplardan foydalanishni oldini olishi, mijozlar esa mahsulotlar uchun ko‘p marta ishlatadigan qoplarni ishlatishga ko‘nikishi kutilmoqda.
* Dunyo bo‘ylab har soniyada 160 000 ta plastik qop ishlatilib, uloqtiriladi.
* Bitta polietilen paket ishlab chiqarish uchun zarur bo‘lgan yog‘ miqdori avtomobilga 11 metr masofani bosib o‘tish imkonini beradi.
* U eng keng tarqalgan 10 chiqindi turiga kiradi.
* Agar biz dunyodagi barcha plastik qoplarni bir joyga qo‘ysak, ular yer sharini 4200 marta aylanib chiqadi.
* Paketlar tabiatdan butunlay yo‘q bo‘lib ketishi uchun 200-400 yil kerak bo‘ladi.
G.Xoldorova tayyorladi.
