АҚШ Туркияга берилган савдо имтиёзларини бекор қилмоқда
АҚШ президенти Дональд Трамп Туркияга берилган ва ҳар икки томонлама амалда бўлган савдо имтиёзларини бекор қилиш ҳақидаги қарорга имзо чекди. Қарор бугун, 17 май кунидан кучга киради. Бу ҳақда Оқ Уй матбуот хизмати маълум қилган.
Унга кўра, Туркия бир неча турдаги маҳсулотларни АҚШга бож тўламасдан олиб кириш имтиёзига эга эди. Энди ана шу имтиёз бекор қилинмоқда.
АҚШ ҳукумати, агар расмий Анқара унинг шартларига рози бўлганида бу савдо имтиёзларини янада кенгайтирмоқчи эди. Аммо, Туркия АҚШнинг Россия қуролларини сотиб олмаслик ҳақидаги асосий шартига кўнмади. Шу сабабли, энди ўша савдо имтиёзлари кенгайтирилиш ўрнига, аксинча бекор қилинаяпти.
Бу Туркия иқтисодиётига жиддий салбий таъсир кўрсатиши ҳам мумкин.
