Рамзан Қодиров: Шайх Усмонхон Aлимов жуда доно, тақводор ва камтар одам эди
Рамзан Қодиров: Шайх Усмонхон Aлимов жуда доно, тақводор ва камтар одам эди
Чеченистон давлат раҳбари Рамзан Қодиров Ўзбекистон мусулмонлари идораси раиси, мамлакат бош муфтийси вафоти юзасидан ҳамдардлик билдирди (http://old.muslim.uz/index.php/yangiliklar-2016/uzbekistan/item/28230-checheniston-davlat-ra-bari-ramzan-odirov-shajkh-usmonkhon-alimov-zhuda-dono-ta-vodor-va-kamtar-odam-edilar).
Қодиров муфтийнинг ўлими ҳақидаги хабарни қайғу билан қабул қилган. Ҳамда Шайх Усмонхон Aлимов Чеченистоннинг биринчи президенти, Россия Қаҳрамони Aҳмад Ҳожи Қодировнинг яқин дўсти бўлганини қайд этган.
“Улар 1980 йиллардан бери таниш эдилар, Тошкент ислом институтида бирга ўқишган. Мен ҳам Усмонхон Aлимов билан кўп марта учрашганман. Биз нафақат Грознийда, балки Ўзбекистонда ҳам кўришганмиз. Тошкентга сафарим чоғида у мени жуда самимий кутиб олди, юқори даражадаги меҳмондўстликни таъминлади, Aҳмад Ҳожи билан ўқиган йилларини эслади ва бу ҳақда гапирди. У жуда доно, тақводор ва камтар одам эди”, деган у.
Шунингдек, Қодиров Шайх Усмонхон Aлимовни бутун мусулмон олами танигани, ҳурмат қилгани ва қадрлаганини таъкидлаган.
“У ўз ҳаётини ислом динини ўрганиш ва тарқатишга бағишлаган, у Қуръон ва Суннат ҳақида бебаҳо билим олган кўплаб таниқли ислом одамларини тарбиялаган. 2006 йилдан Ўзбекистон Мусулмонлари идораси раиси вазифасида фаолият олиб борган. Шайх ваъзларида ҳар доим яхшиликка чақириб, ҳаромдан эҳтиёт бўлишни айтган. Шу кунларда бизнинг қалбимиз қардош Ўзбекистон халқи билан. Ўзбекистоннинг муҳтарам Президенти Шавкат Мирзиёевга, Шайх Усмонхон Aлимовнинг оиласи ва яқинларига самимий ҳамдардлик билдираман! Aллоҳ таоло биродаримизга раҳм қилсин!”, деган Чеченистон раҳбари.
