Россия давлат жисмоний тарбия, спорт, ёшлар ва туризм университети Самарқанд филиалига қабул бошланди

Бугундан 2020/2021 ўқув йили учун Россия давлат жисмоний тарбия, спорт, ёшлар ва туризм университети Самарқанд филиалига абитуриентлардан ҳужжат қабул қилиш бошланди.
Филиалдан маълум қилишларича, коронавирус инфекцияси билан боғлиқ пандемия сабабли абитуриентлар http://qabul.rgusport.uz/ электрон дастури орқали онлайн шаклда рўйхатдан ўтишлари мумкин.
Рўйхатдан ўтиш 2020 йилнинг 15 август – 10 сентябрь кунларига (ўша куни ҳам) белгиланган.
Кириш имтиҳонлари республикада эпидемиологик вазият барқарорлашишидан келиб чиқиб ўтказилади.
Россия давлат жисмоний тарбия, спорт, ёшлар ва туризм университетининг Самарқанд филиалига 2020/2021 ўқув йили учун 150та квота (45 та давлат гранти, 105 та тўлов-шартнома асосида) ажратилган.