Тахтиқорача довонида кучли ёғингарчилик кутилмоқда
2-5 февраль кунлари М-39 «Тошкент-Шаҳрисабз-Термиз» автойўлининг «Тахтақорача» (Китоб) довонидан ўтган қисмида қор ёғиши, вақти–вақти билан кучли ёғингарчилик, туман кузатилиши, кўринувчанлик 50 м. гача пасайиши, шамол тезлиги 15 – 20 м/с гача кучайиши, автойўлда яхмалак ва қор уюмлари юзага келиши мумкин. Бу ҳақда “Ўзгидромет” хабар бермоқда.
Шунингдек, жорий йил 2-6 февраль кунлари кутилаётган ёғингарчилик ҳамда ҳаво ҳароратининг сезиларли ўзгаришлари сабабли республиканинг айрим тоғли ҳудудларида қор кўчиши хавфи эълон қилинади.
