“Samarqandning eng faol jurnalisti” tanlovida qatnashing!
![](https://static.zarnews.uz/crop/0/0/720__80_00e619e9f27f9cd614d512e57b4c1744.jpeg?img=self&v=1717500307)
Viloyat hokimligi, O‘zbekiston Jurnalistlar uyushmasi viloyat bo‘limi hamda axborot va ommaviy kommunikatsiyalar boshqarmasi navbatdagi “Samarqandning eng faol jurnalisti” tanlovini e’lon qiladi.
Tanlov televideniye, radio, internet, bosma nashrlar, fotojurnalistika va OAV bilan hamkorlik qilgan axborot xizmati yo‘nalishlarida o‘tkaziladi.
Tanlovni tashkil etishda quyidagi talablarga e’tibor beriladi:
– amalga oshirilayotgan yaratuvchanlik ishlari hamda yil dasturlarining ijrosi bilan bog‘liq jarayonlarni ko‘p sonli aholi o‘rtasida yoritib borishdagi i shtiroki;
– mavzuga chuqur yondashishi, haqqoniy tahlil qilishi, mustaqil jurnalistik fikr yuritish va jamoatchilik fikrini uyg‘otishga intilishi;
– Vatan, xalq, jamiyat manfaatlari yo‘lida fidoyilik bilan mehnat qilayotgan zamondoshlarimizning siymosini yaratishdagi mahorati.
Tanlovda ishtirok etish uchun quyidagi ma’lumotlar taqdim etilishi kerak:
- shaxsni tasdiqlovchi hujjat (pasporti)dan nusxa;
- muallifning ma’lumotnomasi (ob’yektivka);
- muallifning ijodiy va ijtimoiy faoliyati to‘g‘risida ommaviy axborot vositasi rahbarining tavsiyanomasi;
- muallifning aloqa telefonlari;
- ijodiy ishlarning fayl to‘plami (albom holatida), skaner va elektron nusxasi (ko‘rsatuv yoki eshittirishlar flesh-xotirada).
Tanlov komissiyasi Samarqand shahri, Ulug‘ Tursunov ko‘chasi, 80-uy (Matbuot uyi)da 2023 yilning 1 iyunidan 2024 yilning 1 iyunigacha bo‘lgan vaqt oralig‘ida ommaviy axborot vositalarida e’lon qilingan 5 ta va undan ko‘p ijodiy ishlarni qabul qiladi.
Tanlovda qatnashmoqchi bo‘lganlar barcha savol, talab va takliflar bo‘yicha 20 iyungacha bo‘lgan muddatda O‘zbekiston Jurnalistlar uyushmasi viloyat bo‘limiga murojaat qilishi mumkin.
Darvoqe, tanlovda g‘olib deb topilganlar 27 iyun – Matbuot va ommaviy axborot vositalari xodimlari kuni arafasida e’lon qilinadi va taqdirlanadi.
Murojaat uchun telefonlar: 66-233-91-69, 66-233-91-59, 93-339-99-84.