Ҳожилар барча амалларни адо этди
Ўзбекистонлик ҳожилар улуғ ибодат маносикларининг асосийларини адо этиб, Мино водийсидан Макка шаҳридаги меҳмонхонага қайтдилар.
Етти мингдан зиёд ўзбекистонлик ҳожи асосий ҳаж амалларини бажарди, деб маълум қилди Мусулмонлар идораси матбуот хизмати.
“Ҳаж – 2019” ишчи гуруҳи ҳожиларнинг ибодатлари талафотларсиз ўтказган. Ҳожилар Маккаи мукаррамада Ҳазрати Иброҳим, Ҳазрати Исмоил алайҳимуссалом ва Ҳазрати Муҳаммад соллаллоҳу алайҳи васаллам юрган ерларини зиёрат этган. Минода шайтонга тош отиш ва қурбонлик сўйиш амалларини бажарган.
