Яна 173 нафар юртдошимиз Ватанга олиб келинди

Кеча Владивосток-Самарқанд-Тошкент йўналиши бўйича "Боинг-767" русумли ҳаво кемаси Самарқанд халқаро аэропортига қўнди.  

Чартер рейс орқали 173 нафар юртдошимиз манзилга хавфсиз келтирилди. Махсус комиссия белгилаган тартиб-қоидаларга асосан барча фуқаро карантин ҳудудига олиб кетилди.

Йўловчилар автобусларда, вакиллар кузатувида Самарқанд шаҳри, Кимёгарлар шаҳарчасида янги қурилган карантин муассасасига кузатилди.