Бельгия салмонелла тарқалиши сабабли Kinder заводини ёпди
Бельгия ҳукумати Арлон шаҳридаги Kinder шоколад фабрикасини ёпишни буюрди. Айнан фабрика бир қатор Европа давлатлари ва АҚШда салмонелла инфекцияси авж олишида сабабчи, деб гумон қилинмоқда.
«Роспотребнадзор» шунингдек, Kinder шоколад маҳсулотларини чақириб олишга қарор қилди.
Қарор, жанжалнинг ўзи каби, Kinder шоколад маҳсулотлари талаб юқори бўлган Пасха байрами мавсумининг юқори чўққисида Италия қандолатчилик гиганти Ferreroга зарба бўлди.
Бу орада шоколад ишлаб чиқарувчи Kinder узрини билдирди. Италия компанияси "ички носозликлар бўлганини" тан олди ва салмонелла тарқалиши ҳамда маҳсулот оммавий қайтарилгани учун чуқур афсусдалиги ва чин дилдан узрини айтди.
