«Крокус Сити Холл»га ҳужум уюштирганлар устидан суд бошланди, террорчилар ўз айбларини тан олишган

Суд жараёни ёпиқ эшиклар ортида ўтказиляпти.

19 киши судланмоқда: жиноятни содир этганликда гумон қилинган тўрт нафар тожикистонлик фуқаро ва 15 нафар “шерик”лар, жумладан, айбланувчи яшаган хонадон эгаси.

Ҳужум ташкилотчилари ҳалигача топилмаган.

Тергов содир бўлган воқеанинг иккита версиясини бирлаштириб, ҳужум “Исломий давлат” – “Вилоят Хуросон гуруҳи томонидан, бироқ айни пайтда хорижий разведка хизматлари иштирокида ва “Украина олий раҳбарияти манфаатларини кўзлаб уюштирилганини исботлашга уринмоқда.

Суд жараёнига 100 дан ортиқ журналист келган.

Сўнгги хабарларга кўра, теракт ижрочиларидан тўрт нафари судда ўз айбларини тан олишган.

Эслатиб ўтамиз, 2024 йилнинг 22 мартида «Крокус Сити Холл»да теракт содир бўлиб, камида 145 киши ҳалок бўлган ва 551 киши жароҳатланган эди. Қурбонларнинг аксарияти 4 кишилик гуруҳ томонидан уюштирилган ёнғинда ҳалок бўлган. Террорчилар ҳужум жойидан қочишга муваффақ бўлгач, қўлга олинган.