Қўшработликларнинг илмга интилиши сабаби нимада?
Қўшработ туманида уюштирилган пресс-тур давомида журналистлардан бири туман ҳокимига ана шундай савол берди.
– Қўшработликлар аввало, жуда камтар, оддий ва самимий инсонлар, – деди Ҳиммат Оқбўтаев. – Улар меҳнаткаш, ҳар қандай оғир шароитда ҳам омилкорлик билан иш тутадиган кишилар. Муҳими, бошқа жойларда ота-оналар фарзандига тўла-тўкис ҳаёт яратиш учун данғиллама иморатлар қуриб, замонавий машиналар олиб берса, бу ерда ҳар бир ота-она орзу-ҳавасни боласига яхши таълим-тарбия бериш, уни ўқитишда деб билади. Нажот – илмда, деган гапнинг маънисини халқимиз жуда теран англайди.
