Самарқанд шаҳрида ўнлаб одамлар “Fast food”дан заҳарлангани айтилмоқда
Кеча, 21 август куни шаҳарнинг Рудакий кўчасида жойлашган умумий овқатланиш шохобчасида “хот-дог” истеъмол қилган бир неча нафар фуқаролар кўнгил айниши, иситма кўтарилиши ташхиси билан шифохонага ётқизилган. Тарқалаётган хабарларга қараганда мазкур умумий овқатланиш шохобчасида заҳарланганлар сони ўнлаб бўлиши мумкин.
Вилоят санитария-эпидемиологик осойишталик ва жамоат саломатлиги бошқармаси вакилига кўра, ҳолат юзасидан тез орада расмий маълумот берилади.
