Samarqand shahrida o‘nlab odamlar “Fast food”dan zaharlangani aytilmoqda
Kecha, 21 avgust kuni shaharning Rudakiy ko‘chasida joylashgan umumiy ovqatlanish shoxobchasida “xot-dog” iste’mol qilgan bir necha nafar fuqarolar ko‘ngil aynishi, isitma ko‘tarilishi tashxisi bilan shifoxonaga yotqizilgan. Tarqalayotgan xabarlarga qaraganda mazkur umumiy ovqatlanish shoxobchasida zaharlanganlar soni o‘nlab bo‘lishi mumkin.
Viloyat sanitariya-epidemiologik osoyishtalik va jamoat salomatligi boshqarmasi vakiliga ko‘ra, holat yuzasidan tez orada rasmiy ma’lumot beriladi.
