Sanepidqo‘mita: Past Darg‘omda odamlar fast-fuddan zaharlandi
Past Darg‘om tumanidagi fast-food sotish faoliyati bilan shug‘ullanuvchi “Meralis” MChJ faoliyatiga chek qo‘yildi.
Sanepidqo‘mita xabariga ko‘ra, joriy yilning 13 sentyabr kuni bir nechta fuqarolar tuman tibbiyot birlashmasiga ko‘ngil aynishi, qayt qilish va boshqa alomatlar bilan murojaat qilishgan.
Holat o‘rganilganda ushbu fuqarolar Past Darg‘om tumanidagi “Meralis” MChJdan fast-food iste’mol qilgani aniqlangan.
Hozirda mazkur holat Sanepidqo‘mita tomonidan to‘liq nazoratga olinib, surishtiruv va o‘rganish ishlari olib borilmoqda.
