Франция элчиси Самарқанддаги мактабларда бўлди
Франциянинг Ўзбекистондаги элчиси Ореля Бушез хоним Самарқанд шаҳридаги 43-ихтисослаштирилган умумтаълим мактабида дарс жараёнларида иштирок этди. Хабарингиз бор, 43-ихтисослаштирилган давлат умумтаълим мактаби француз тилини ўқитишга ихтисослаштирилган бўлиб, таълим муассасасида уч нафар франциялик ўқитувчилар дарс беради. Ташриф давомида элчи улар билан ҳам учрашди.
Шунингдек, элчи Оқдарё туманидаги 32-умумтаълим мактабида бўлди.
Мазкур мактабда иккита хорижий тил ва касбга ўқитиш йўлга қўйилган. Ташриф давомида элчи француз тили дарсида ўқитувчилар билан мулоқот ўтказди, касбга ўқитиш бўйича тўгараклар фаолияти билан танишди.
