Fransiya elchisi Samarqanddagi maktablarda bo‘ldi

Fransiyaning O‘zbekistondagi elchisi Orelya Bushez xonim Samarqand shahridagi 43-ixtisoslashtirilgan umumta’lim maktabida dars jarayonlarida ishtirok etdi. Xabaringiz bor, 43-ixtisoslashtirilgan davlat umumta’lim maktabi fransuz tilini o‘qitishga ixtisoslashtirilgan bo‘lib, ta’lim muassasasida uch nafar fransiyalik o‘qituvchilar dars beradi. Tashrif davomida elchi ular bilan ham uchrashdi.

Shuningdek,  elchi Oqdaryo tumanidagi 32-umumta’lim maktabida bo‘ldi.

Mazkur maktabda ikkita xorijiy til va kasbga o‘qitish yo‘lga qo‘yilgan. Tashrif davomida elchi fransuz tili darsida o‘qituvchilar bilan muloqot o‘tkazdi, kasbga o‘qitish bo‘yicha to‘garaklar faoliyati bilan tanishdi.