Ҳар бир раҳбар ўз мактабида кўчат ўтқазса...

Вилоят мактабгача ва мактаб таълими  бошқармаси бошлиғи Шаҳзод Эшонқулов ўзи ўқиган Самарқанд шаҳридаги 13-умумтаълим мактаби ҳовлисига манзарали дарахт кўчатлари ўтқазди.

Бу ҳаракати орқали бошқарма бошлиғи вилоятдаги ҳар бир мактаб ва мактабгача таълим ташкилоти раҳбарини ўз ҳудудида “Яшил макон” умуммиллий лойиҳаси доирасида кузги кўчат экиш тадбирларида қатнашишга даъват этди.

Маълумотларга кўра, кузги мавсумда Самарқандддаги мактабгача ва мактаб таълим муассасаларида 112 минг тупдан ортиқ дарахт кўчатлари ўтқазиш режалаштирилган.