Паст Дарғом оилавий ажримлар бўйича вилоятда “етакчи”
“Оила” илмий-амалий тадқиқот маркази вилоят бошқармасининг туман, шаҳар бўлимлари мутасаддилари иштирокида йиғилиш бўлиб ўтди.
Тадбирда айрим шаҳар ва туман бўлимларида амалга оширилаётган ишлар кўнгилдагидек эмаслиги таъкидланди. Хусусан, марказнинг Паст Дарғом ва Нарпай туман бўлимлари томонидан жорий йилнинг ўтган даври мобайнида ҳамкор ташкилотлар иштирокида олиб борилган илмий тадқиқот ишлари сарҳисоб қилинди. Паст Дарғом туманида оилавий ажримлар, эр-хотин ўртасидаги келишмовчилик 47 %ни ташкил этиб, ҳолатни бартараф этиш бўйича вазифалар берилди. Нарпай туманида жиноятчилик ва хуқуқбузарликларнинг олдини олиш, унинг келиб чиқиш сабабларини ўрганиш муҳимлиги таъкидланди.
