Самарқанд шаҳар Нарпай кўчаси қачон кенгайтирилади?

Телеграм ботга каналимизга  Ғолиб Худойқулов исмли фойдаланувчидан Самарқанд шаҳар Нарпай кўчасининг кенгайтирилиши ва бу ердаги уй-жойларнинг қачон бузилиши бўйича маълумот беришимизни сўраб, савол келган эди.

Ушбу саволга жавоб олиш мақсадида Самарқанд шаҳар ҳокимлигига мурожаат қилдик. Ҳокимлик масъул ходими Феруз Нажмиддиновнинг маълум қилишича, 2019-2020 йилларда Нарпай кўчасидаги йўл кенгайтирилиб, ўртасидан трамвай йўлининг учинчи линияси, йўлнинг икки четида кўп қаватли турар-жой бинолари ҳам қурилади. Ҳозирда амалга ошириладиган ишларнинг бош режаси ишлаб чиқилиб, Нарпай кўчасидаги уйлар хатловдан ўтказилаяпти.