Андроид қурилмалар учун Zarnews.uz мобил иловаси. Юклаб олиш x

Самарқанддаги илк оилавий шифокорлик пункти ишга тушди

Паст Дарғом туманида "Хончорбоғ” оилавий шифокорлик пункти ўз ишини бошлади.

Президентимизнинг 2020 йил 12 ноябрдаги "Бирламчи тиббий-санитария муассасалари фаолиятига мутлақо янги механизмларни жорий қилиш ва соғлиқни сақлаш тизимида олиб борилаётган ислоҳотлар самарадорлигини янада ошириш чора-тадбирлари тўғрисида"ги фармони ижросини таъминлаш мақсадида ташкил этилган муассаса ҳудуддаги Элбек ва Хончорбоғ маҳаллаларида яшовчи 10 минг 240 нафардан ортиқ аҳолига замонавий тиббий хизмат кўрсатади.

Лойиҳа қиймати 841 миллион сўм бўлган ушбу тиббиёт муассасасини тумандаги "Ислом Омон Нур" масъулияти чекланган жамияти қурувчилари бунёд этди.