8 dekabrdan O‘zbekistonga sovuq havo oqimi kirib kelishi kutilmoqda

O‘zbekiston bo‘yicha 7-8 dekabr kunlari kutilayotgan ob-havo ma’lum qilindi.

O‘zgidromet xabariga ko‘ra, ertaga respublikaning ayrim hududlarida qor yog‘ishi mumkin, ba’zi joylarga tuman tushadi. Havo harorati kechalari asosan -3...+2, kunduz kunlari +2...+7, shimolda kechalari -3...-8, kunduz kunlari -2...+3 daraja bo‘ladi.

8 dekabrda respublika hududiga shimoldan sovuq havo massalari kirib kelishi boshlanadi.
Havo harorati 8 dekabrda kechasi va kunduzi 0...-5, shimolda kechasi -5...-10, kunduzi -2...-7 darajani tashkil etadi. 8 dekabrda respublika bo‘yicha ba’zi joylarda qor yog‘adi. Ayrim joylarda shamol tezligi 13-18 m/s gacha kuchayishi mumkin. Ba’zi jylarga tuman tushadi.

Kelgusi haftaning boshida O‘zbekiston bo‘yicha harorat kechalari -5...-10,shimolda -13...-18 darajagacha pasayishi kutilmoqda. Kunduz kungi harorat deyarli o‘zgarmaydi.