Tiklangan Orol muammolari suratlarda

Yoshlarni ekologik muammolarga yechim topishda faolligini oshirish, tabiatga bo‘lgan muhabbatini kuchaytirish  maqsadida Toshkent shahrida “Tiklangan Orol” rasmlar ko‘rgazmasi bo‘lib o‘tdi.

Unda Samarqand shahar “Barkamol avlod” bolalar markazining rassomchilik to‘garagi a’zolari Orol dengizini tiklashda yechimini topishi kerak bo‘lgan muammolarni o‘z suratlarida aks ettirdi va faxrli birinchi o‘ringa sazovor bo‘ldi.

Shuningdek, ko‘rgazmada “Sanvikt” nogiron bolalar ilmiy-tadqiqot badiiy markazining iste’dodli o‘quvchilari ham ishtirok etishdi.