Андроид қурилмалар учун Zarnews.uz мобил иловаси. Юклаб олиш x

Аляскада кичик самолётлар тўқнашуви оқибатида 7 киши ҳалок бўлди

Алясканинг Солдотн шаҳри аэропорти яқинида парвозни амалга ошираётган икки самолётнинг тўқнашуви оқибатида етти киши ҳалок бўлди. Бу ҳақда штат жамоат хавфсизлиги бошқармаси хабар қилди.

Фуқаро авиацияси федерал бошқармаси берган маълумотга кўра, воқеа 31 июль куни Солдотн аэропортидан тахминан уч километр узоқликда, маҳаллий вақт билан соат 8:30 (Тошкент вақти билан 21:30)да содир бўлган.

Havilland DHC-2 ва Piper Azrec ҳаво кемалари тўқнашиб кетган.

Маҳаллий Anchorage Daily News газетаси тақдим этган маълумотга кўра, самолётларнинг бирида 6 киши, бошқасида эса фақатгина штат вакиллар палатаси депутати Гарри Кноп бўлган. Иккала самолётдаги барча одамлар ҳалок бўлган.

Транспорт хавфсизлиги миллий кенгаши ва фуқаро авиацияси федерал бошқармаси ҳалокат сабабларини ўрганмоқда.