10 ёшли қиз сувда оқиб, ҳалок бўлди
Ғаллаорол тумани Жийдали қишлоқ фуқаролар йиғинида яшаган 10 ёшли қиз М.Б.ни сойдан сел келиб оқизиб кетган. Бу ҳақда Жиззах вилояти ИИБ хабар қилди.
Таъкидланишича, қиз дала майдонидан молларини уйига ҳайдаб келиш учун сойдан ўтаётган бўлган ва оқиб келган сел уни оқизиб кетган.
Қизнинг жасади сойдан 500 метр узоқликдан топилган.
Маълумот ўрнида, ўтган ҳафта ҳам вилоятнинг Зомин тумани Ширин фуқаролар йиғинида 14 ва 7 ёшли опа-укалар ҳам сел келиши қурбонига айланган эди.
