9 та вилоятнинг тоғ олди ва тоғли ҳудудларида сел-сув хавфи эълон қилинди
"Ўзгидромет" жорий йилнинг 23-27 июнь кунлари кутилаётган ёмғирлар ёғиши сабабли республиканинг тоғ олди ва тоғли ҳудудларида сел-сув тошқин ҳодисалари кузатилиши мумкинлигидан огоҳлантирди.
Жумладан:
Қашқадарё, Сурхондарё, Самарқанд, Навоий вилояти, Жиззах, Тошкент, Наманган, Фарғона ва Андижон вилоятларининг қатор ҳудудларида сел-сув тошқин ҳодисалари юзага келиши мумкин.
Тоғ олди ва тоғли ҳудудларда истиқомат қилувчи фуқароларни, дам олувчиларни ҳамда тоғли худудларда ҳаракатланувчи ҳайдовчиларни эҳтиёткорлик чораларини кўришлари сўралган.
