Ўзбекистоннинг тоғли ҳудудларида сел ва сув тошқини хавфи эълон қилинди
«Ўзгидромет» маълумотига кўра, 2026 йил 28 июндан 3 июлгача кутилган ёмғирлар сабабли республиканинг тоғ олди ва тоғли ҳудудларида сел-сув тошқинлари юзага келиши мумкин.
Хавф Самарқанд вилоятининг Ургут, Самарқанд, Булунғур, Нуробод, Қўшработ, Каттақўрғон, Пайариқ, Жомбой ва Иштихон туманларида прогноз қилинмоқда.
Мутахассислар тоғ олди ва тоғли ҳудудларда яшовчи аҳоли, дам олувчилар ҳамда ушбу ҳудудларда ҳаракатланувчи ҳайдовчиларни эҳтиёткорлик чораларини кўришга чақирмоқда.
Шунингдек, республиканинг айрим ҳудудларида кучли ёмғирлар оқибатида ёмғир сувлари тўпланиши, пастлик жойларни сув босиши эҳтимоли ҳам мавжуд.
