2019 йилда қайси автомобилга талаб кўп бўлган?
Давлат статистика қўмитасининг дастлабки маълумотларига кўра, 2019 йилнинг январь-декабрь ойларида 73 минг 151 “Neхiya” автомобили ишлаб чиқарилган. Бу кўрсаткич 2018 йилнинг мос даврига қараганда, 123,3 фоизга ошган.
Шунингдек, ўтган йилнинг январь-декабрь ойларида 5 944 та “Малибу” автомобили ишлаб чиқарилди. Бу кўрсаткич 2018 йилнинг шу даврига қараганда, 89,7 фоиз кўп демакдир.
Ўтган йили аҳоли орасида “Кобальт” автомобилига талаб ошганини кузатиш мумкин. Бунга мисол тариқасида январь-декабрь ойларида 56 минг 211 “Кобальт” автомобили ишлаб чиқарилганини келтириш жоиз. 2018 йилга солиштирадиган бўлсак, ишлаб чиқариш миқдори 149,4 фоиз ошганини кўрсатмоқда.
