Транспорт воситаларига “яшил–сариқ–қизил” экологик стикерлар берилади

Вазирлар Маҳкамасининг 750-сон қарори (28.11.2025 й.) билан транспорт воситаларининг экологик тоифасини аниқлаш ва экологик стикерлар бериш тартиби белгиланди.

Транспорт воситаси тоифаси унинг ишлаб чиқарувчи томонидан тасдиқланган экологик синфига кўра белгиланади.

Экологик тоифалар:

Бензин ва газ (CНГ/ЛПГ):

Euro-2 ва ундан юқори – “тоза”

Euro-0, Euro-1 – “ўрта”.

Дизель:

Euro-4 ва ундан юқори – “тоза”

Euro-3 – “ўрта” Euro-0, Euro-1, Euro-2 – “зарарли”.

Гибрид, муқобил ёқилғи ва ишлаб чиқарилганига 3 йилдан ошмаган автомобиллар – “тоза”

Рўйхатга олиш ва қайта рўйхатга олишда транспорт воситасига мос “яшил”, “сариқ” ёки “қизил” рангли стикерлар Давлат йўл ҳаракати хавфсизлиги бўлинмаларида берилади.

Эгалар стикерни ихтиёрий равишда ИИВ Йўл ҳаракати хавфсизлиги хизматининг расмий сайти ёки my.gov.uz орқали ҳам сўраши мумкин.

Экологик стикерлар муддатсиз берилади.