Transport vositalariga “yashil–sariq–qizil” ekologik stikerlar beriladi

Vazirlar Mahkamasining 750-son qarori (28.11.2025 y.) bilan transport vositalarining ekologik toifasini aniqlash va ekologik stikerlar berish tartibi belgilandi.

Transport vositasi toifasi uning ishlab chiqaruvchi tomonidan tasdiqlangan ekologik sinfiga ko‘ra belgilanadi.

Ekologik toifalar:

Benzin va gaz (CNG/LPG):

Euro-2 va undan yuqori – “toza”

Euro-0, Euro-1 – “o‘rta”.

Dizel:

Euro-4 va undan yuqori – “toza”

Euro-3 – “o‘rta” Euro-0, Euro-1, Euro-2 – “zararli”.

Gibrid, muqobil yoqilg‘i va ishlab chiqarilganiga 3 yildan oshmagan avtomobillar – “toza”

Ro‘yxatga olish va qayta ro‘yxatga olishda transport vositasiga mos “yashil”, “sariq” yoki “qizil” rangli stikerlar Davlat yo‘l harakati xavfsizligi bo‘linmalarida beriladi.

Egalar stikerni ixtiyoriy ravishda IIV Yo‘l harakati xavfsizligi xizmatining rasmiy sayti yoki my.gov.uz orqali ham so‘rashi mumkin.

Ekologik stikerlar muddatsiz beriladi.