Бемор фуқаро шифокорлар кузатувида ватанга қайтарилди
Россия Федерациясининг Омск шаҳридаги қурилиш компанияларидан бирида вақтинча ишлаб келаётган Р.Акбаров исмли фуқаро бетоб бўлиб, шифохонада даволаниб чиқди.
Ташқи меҳнат миграцияси агентлиги хабар беришича, шифокорлар унга ишлаш ва самолётда учиш ҳаёти учун хавфли эканлигини маълум қилган.
Шундан сўнг, Ўзбекистон Республикасининг Новосибирск шаҳридаги Бош консулхонаси ва Ташқи меҳнат миграцияси агентлигининг Новосибирск шаҳридаги ваколатхонаси, қурилиш корхонаси ҳамкорлигида бемор фуқаро шифокорлар кузатуви остида “Москва-Тошкент” йўналишида ҳаракатланаётган поезд орқали ватанга қайтарилди.
