Миллий ҳайдовчилик гувоҳномасини олиш тартиби соддалаштирилди

Ҳукумат қарори (202-сон, 09.03.2019 й.) билан миллий ҳайдовчилик гувоҳномасини бериш тартиби тўғрисидаги қонунчиликка (http://lex.uz/docs/3765833#3766684) қўшимча киритилди. Бу ҳақда Ҳуқуқий ахборот канали хабар бермоқда.

Низомга киритилган қўшимчаларга мувофиқ, гувоҳномаларни алмаштиришда қуйидагиларни талаб қилиш тақиқланди:
• ҳайдовчининг имтиҳон варақаси;
• миллий гувоҳномани берган ЙҲХБ тасдиқномаси;
• тиббий маълумотнома;
• транспорт воситасини 12 ой бошқарганлигини тасдиқловчи ҳужжат.

Яъни, 2020 йил 31 декабргача миллий ҳайдовчилик гувоҳномаларини янги гувоҳномаларга алмаштириш учун паспорт ва эски намунадаги ҳайдовчилик гувоҳномаси ҳамда унинг талонигина тақдим этилади.